LA UNION – Sumangsango iti kaso a panaglabsing iti RA 9165 wenno Comprehensive Dangerous Drugs Act of 2002 ti maysa nga high value target idiay Barangay Sta. Barbara, ili ti Agoo, La Union.
Nabigbig iti suspek a ni Christian Sadeek Alvar, 36, addan asawa, negosyante, residente ti Tacay Road, Quezon Hill, Baguio City.
Kinimmeg daytoy iti nagtipon nga puwersa ti Tubao Police, Philippine Drug Enforecement Agency Region 1, Baguio City Police ken dadduma pay nga unit ti kapulisan iti bileg ti warrant of arrest nga impaulog ni Jugde Emmanuel Cacho Rasing ti Regional Trial Court Branch 3, ti Baguio City.
Naamuan a ni Alvar ket leader ti Sadeek Drug Group nga agop-operate iti Region 1 ken Cordillera Administrative Region (CAR).
Iti agdama, nakabalud ti suspek ditoy La Union.
