Natinnag iti ima dagiti otoridad ti Top 6 most wanted person babaen iti panangidaulo ti San Juan Police Office ken dadduma a unit ti kapulisan idiay Barangay Talogtog, San Juan, La Union.
Nabigbig ti suspek a ni Ruben Nisperos, 23, baro, constrution worker, ken residente ti nasao a lugar.
Immuna ditoy, nangipaulog ti mandato ni Judge Victor Concepcion ti Regional Trial Court Branch 66 iti syudad ti San Fernando gapu iti kaso na a RA 9165 wenno Comprehensive Dangerous Drugs Act of 2002.
Iti agdama ket agtaltalinaed pay laeng iti pagbaludan ti suspek para iti naan-anay a disposisyon.
