LA UNION – Posible a mapasaran manen dagiti lugar a dinalanan ti bagyo Marce iti torrential rains iti sumaruno a lawas.
Maibasar iti patta-patta nga inruar ti state weather bureau ita nga aldaw (Nov. 9), mabalin a makapadas manen ti intense agingga torrential rains iti probinsya ti Cagayan, Apayao, ken Isabela manipud Lunes agingga Martes.
Gaputi dayta, mabalin nga umabot ti agingga 200 mm ti danum ti tudo a maibuyat kadagiti nadakamat a probinsya.
Idiay probinsiya ti Abra, Kalinga, Mt. Province, ken Aurora, mabalin a mapadasan iti heavy agingga intense rains inton Lunes agingga Martes.
Kaibatugan daytoy ti 100mm agingga 200mm a danum ti tudo.
Daytoy ket epekto ti bagyo Nika nga iti agdama ket agpangpangta iti eastern portion ti Luzon.
