LA UNION – Pimmigsa ti bagyo Nika ket maysa itan a tropical storm.
Segun iti PAGASA, iti sentro ti bagyo Nika ket naudi a nakita iti kaadayo a 1,005 kilometro daya ti Southeastern Luzon, kabuyog ti angin nga 65 kilometro kada oras ken kapegges a dumanon iti 80 a kilometro kada oras.
Dup-dupagenna iti palaud iti kapartak a 35 kilometro kada oras.
Maibasar iti track forecast, ag-landfall ti bagyo Nika idiay Isabela wenno Aurora inton Lunes, Nobyembre 11, ti malem wenno rabii.
Ti nasao a bagyo ket pumigsa pay agingga iti severe tropical storm category inton Lunes, November 11, sakbay nga ag-landfall.
Nupay kasta, kabayatan ti panag-ballasiw na iti kabakiran ti mainland Luzon, posible a kumapsot ti bagyo, ngem agtalinaed a severe tropical storm.
Inton Martes, Nobyembre 12, posible nga umasideg iti La Union ti bagyo ket namnamaen a rumuar iti Philippine Area of Responsibility (PAR) region inton Miyerkoles, (13 November).
Gaputi bagyo Nika, nakaibayog iti Signal#1 idiay:
- Southeastern portion of Isabela (Dinapigue),
- Northern portion of Aurora (Dilasag, Casiguran, Dinalungan),
- Southeastern portion of mainland Quezon (Calauag, Guinayangan, Tagkawayan),
- Pollilo Islands,
- Camarines Norte,
- Camarines Sur,
- Catanduanes,
- Northeastern portion of Albay (Malinao, Tiwi, City of Tabaco, Bacacay, Malilipot, Rapu-Rapu)
