LA UNION – Nagsagaba ti pannakadun-dunor iti bagi ti maysa a 3-anyos nga ubing kalpasan a nadayamgus ti traysikel idiay Barangay Tucoc, Sto Tomas, La Union.
Nabigbig ti biktima iti nagan a Christian Jana Pagar, residente ti nasao a lugar.
Iti met respondent driver ket managan Mario Barbachano, agnanaed ti nadakamat met laeng a lugar.
Nupay naglibas ti suspek kalpasan ti aksidente, positibo met nga intudo ken binigbig iti ina ti biktima a ni Mae Cristel Pagar.
Iti biktima ket naiturong idiay La Union Medical Center, Agoo, La Union para iti pannakataming dagiti sugat na.
Iti agdama, an-anopen dagiti otoridad iti naglibas a tricycle driver.
