Inwaragawag ti White House a taltalantanen ni US President Donald Trump dagiti nadumaduma a wagas tapno maala iti Greenland, karaman iti posible a panangusar ti U.S. military, iti laksid ti panangkontra ti Denmark ken dagiti European allies.
Ibilang ni Trump a maipangruna iti national security ti Greenland tapno lappedan iti pangta ti Russia ken China idiay Arctic.
Imbinglay met ti White House a kanayun nga opsion wenno pagpilpilyan iti panagusar ti US military.
Ti nadakamat a plano ket nainget a kinontra dagiti lider ti Europa ken Canada, a nangipaganetget nga kukua daytoy dagiti Greenlanders.
Nagsubli daytoy nga agenda ni Trump kalpasan iti pannakaarestar ni Venezuelan President Nicolás Maduro a nangpapigsa iti pammatina ti American dominance iti Western Hemisphere.
Karaman kadagiti ad-adalen ti U.S. President iti direkta a panaggatang wenno asideg a koordinasion iti Greebland, ngem saan pay a nalawag no kasano a maipatungpal a saan nga mangigubuay ti tension iti NATO ken kadagiti European partners.###
