Panggep a lapdan ti maysa a U.S. federal judge idiay Washington iti plano nga UFC event sadiay White House nga inorganisar ni U.S. President Donald Trump ken nakatudingen a maisayangkat inton sumaruno a lawas.
Karaman pay kadagiti kiddaw a maipasardeng ket ti panangikabil iti dakkel a metal arena idiay White House a maawagan kas “The Claw.”
Iti naipila a reklamo ket dua a residente ti Washington iti nagkiddaw para ti temporary restraining order tapno malapdan ti “UFC Freedom 250,” a maisayangkat kagiddan ti maika-80 a kasangay ni Trump inton Hunyo 14.
Pagaammo a ti laban ket maisayangkat iti 92-foot-tall octagon-shaped cage, bayat a ti weigh-in met ket sadiay Lincoln Memorial.
Binabalaw da iti panangusar ti South Lawn ken Lincoln Memorial para ti pribado a sporting event, ken impaganetget iti pammalubos ti Kongreso para t idadakkel nga istruktura kadagiti nasao a lugar.
Inawagan met ti White House ti kaso a kas “obstructionist, baseless, and dilatory,” ken kinuna a ti event ket kapada metlaeng dagiti dadduma pay nga opisyal nga aktibidad ti White House grounds ken National Mall.
