BR LA UNION – Kellaat a natumba ni American UFC fighter Cameron Smotherman, sumagmamano a segundo laeng kalpasan ti panag-timbang na iti maysa a hotel idiay Las Vegas.
Segun kadagiti UFC officials, dagus nga inarayat ken tinaming ti doktor ti 28-year-old a UFC fighter sakbay a binagkat da ken inturong iti ospital.
Sakbay ti weigh-in, nadlawanen ti saan a nasayaat a pannagna ni Smotherman idi sumagpat iti scales wenno pagtimbanganan iti uneg ti T-Mobile Arena idi agsapa ti Biyernes, local time.
Nakatuding koma a lumaban ni Smotherman kenni Ricky Turcios para iti three-round bantamweight bout ti UFC 324 para iti preliminary card ngem nakanselar itan ti laban dagiti dua.
