BR LA UNION – Pormal a nangidatag ti waiver ni sigud a presidente Rodrigo Duterte tapno saan a dumar-ay iti confirmation of charges hearing ti International Criminal Court (ICC) a nakatuding inton Pebrero 23 agingga 27, 2026.
Iti maysa a surat a napetsaan ti Pebrero 17 manipud ICC Detention Centre, impaganetget ni Duterte a saan na a bigbigen iti jurisdiction ti ICC.
Inakusaran na pay iti agdama nga administrasyon ti Pilipinas nga adda iti likod ti maipagarop a rendition wenno puwersado a pannakaibiyahe na idiay Netherlands nga inawagan na a kidnapping.
Nainget a pinaglibakan ti sigud a Presidente dagiti akusasyon seknan iti extra-judicial killings nga inawaganna nga outrageous lie.
Dinakamat na pay ti edad na ken nakapsot a salun-at kas rason ti saan na a panagdar-ay.
Inwaragawag na a nakasagana daytoy iti anyaman a pagbanagan na.
Italek metten ni Duterte iti counsel na ti panangkarit iti ebidensya ti prosekusyon bayat nga agtaltalinaed ti puso na ditoy Pilipinas.
