BR LA UNION – Tallo a tattao iti naipadamag a mapukpukaw kalpasan a nagregga-ay ti landfill idiay Rodriguez, Rizal.
Segun kenni Rodriguez municipal mayor Ronnie Evangelista, agtultuloy iti maisay-sayangkat a monitoring ken koordinasyon iti private operator ti landfill kalpasan ti insidente a napasamak idi Biyernes, Pebrero 20, 2026.
Inallokoy met ti mayor iti Department of Environment and Natural Resources (DENR) a mangisayangkat ti imbestigasyon.
Immuna nga imbaga ti grupo a Kadamay a 50 a tattao iti mapukpukaw gaputi narga-ay a landfill.
Agtultuloy ti isay-sayangkat nga imbestigasyon dagiti otoridad.
