BR LA UNION – Inyanunsiyo ni US Acting Attorney General Todd Blanche iti tallo a federal charges a naidatag kontra iti suspek nga adda iti likod ti pammaltog iti White House Correspondents’ Dinner idiay Washington D.C. idi rabii ti Sabado, Abril 25.
Naamwan a ti suspek a maibilang nga assassin ket ni Cole Tomas Allen, 31 anyos ken Master’s degree holder.
Kabilang dagiti kaso a naidatag kontran kenkuana ket attempted assassination kenni US President Donald Trump nga adda kaibatugan a pannusa a tungpal biag a pannakaibalud ken dua a firearms offenses.
Indetalye ni Blanche iti timeline seknan iti garaw ti suspek sakbay iti shooting incident idi weekend.
Nakumpiskar manipud iti suspek ti semi-automatic handgun, maysa a pump-action shotgun ken tallo a patadem.
Kabayatanna, iti pannakaidatag na iti korte idiay Washington DC idi Lunes, local time, saan a nangiserrek ti plea iti suspek.
