Nangibbat ti nadadagsen nga akusasyon ni US President Donald Trump kontra iti sigud a Presidente ti America a ni Barack Obama nga inawagan na kas traydor.
Dagiti waragawag ni Trump ket kasaruno iti report ni Director of National Intelligence Tulsi Gabbard, a nagsubmitir ti criminal referral kontra iti Obama Administration a maipagarop a nangaramid dagiti peke nga intelligence report tapno mangrugi ti tinawen a kudeta maibusor iti agdama a Presidente ti Estados Unidos.
Impaganetget ti kampo ni Obama, awan iti nakailanad iti dokumeto iti mangpaneknek a nabaliwan dagiti botos idi 2016 ken agtaltalinaed a pudno iti konklusyon ti bipartisan Senate Intelligence Committee idi 2020 nga indaulwan ni Senador Marco Rubio a maipagarop a pinadas nga impluwensyaan ti Russia iti eleksion ngem saan daytoy a nagballigi.
Iti maysa a press conference kadua ni Presidente Ferdinand Marcos Jr., impaganetget pay ni Trump a ni Obama iti ”leader of the gang” iti panagkumplot ken dinakamat na met da Joe Biden, James Comey, James Clapper, ken John Brennan.
Bimuwelta met iti kampo ni Obama ken kenuna a rumbeng ket saanen a pansinen dagiti awan basaran na nga akusasyon manipud iti administrasyon ni Trump, a maysa a weak tactics tapno liklikan iti pudno nga isyu ti America.#
