LA UNION – Napinget ti panag-kampanya dagiti dua a US presidential candidates, isuda sigud a US President Donald Trump ken US Vice President Kamala Harris kadagiti “key swing states” kabilang iti North Carolina, dua nga aldaw sakbay iti US elections.
Nagturong idiay Greensboro ti sigud nga US president bayat a ni Harris ket nagkampanya met idiay Charlotte para iti maudi a campaign rally.
Binabalaw ni Trump iti binaliwan a 15 a polisiya ni Harris bayat a nakatugaw kas maikadwa a kangatuan nga opisyal ti Estados Unidos.
Kinuna na a nagbalin a rason dagiti maipagarop a dadackel a problema iti inaramid nga aksyon ti bise presidente ket inawaganna pay a “the worst vice president” ti US ni Harris nga agtrab-trabaho iti sidong ti kadaksan a presidente iti pakasaritaan ti pagilian da.
Simmungbat met ni Harris kadagiti pammabalaw ti former US President, ket imbaga na a nu ni Trump ti agtugaw kas presidente ket sigurado nga un-unaen na pay a sangwen dagiti kalabanna, ngem ti agserbi iti masakopanna.
