LA UNION – Nagtitipon dagiti supporters, kapartido, ken uray dagiti sikat a personalidad iti maikatlo nga aldaw a Democratic National Convention da Democrat presidential candidate Kamala Harris ken runningmate na a ni Minnesota Gov. Tim Walz idiay United Center Arena.
For the sake of formality laengen iti panangawat ni Harris iti nominasyon agsipudta isuna mismo iti napili ni Biden a sumukat kenkuana iti kina-presidente iti eleksiyon inton Nobyembre, kalpasan a dinengngeg na iti panawagan dagiti kapartido na nga umatras gaputi isyu iti salun-at ken edad daytoy.
Iti 27-minutos a panagbetla na iti maikatlo nga aldaw wenno Night 3 iti Democratic National Convention idiay Chicago, dinakamat ni Clinton iti sumagmamano a gapwanan ni Biden, dagiti banag a pakababalawan ti kalaban a ni Republican candidate Donald Trump, ken iti panangitandudo na kada Kamala Harris ken Minnesota Gov. Tim Walz, a mangibagi ken agserbi a boses ti Democrats para iti kina-presidente ken bise-presidente inton November election.
Ni Clinton ket nabiit pay a nagkasangay ken agtawen itan ti 78.
Inyangaw a pay ti edad na, a segun kenkuana, ub-ubing kumpara kenni Trump.
Impukkaw dagiti Democrats supporters iti nagan ni sigud nga US President Bill Clinton gapu iti panangbigbigna iti serbisyo ni US
President Joe Biden.
Iti kapatgan a paset ti convention ket inton bigat, Biyernes agsipudta pormal nga awaten ni Harris iti nominasyon na.
Kabayatanna, karaman pay kadagiti nangipaay ti panagbetla para iti Democrat candidates ket iti media mogul ken influential talk show host a ni Oprah Winfrey, tapno iyindurso iti Harris-Walz campaign iti Wednesday night.
Nagbalin pay ngan emosyunal dagiti agbuy-buya iti imbaga ni Winfrey nga awanen ti ‘American Dream’ nu saan nga isuro iti umno ken nalinteg biag ken nu awan ti suporta para kadagiti annak ken sumarsaruno nga henerasyon.
Impanawagan ni Oprah Winfrey kadagiti Americans nga agbotos para iti “common sense and decency.”
