Nagsaraken da US President Donald Trump ken ni Russian President Vladimir Putin idiay Alaska tapno pagaritaan ti posibilidad mawakasanen ti gyera idiay Ukraine.
Naggiddan a bimmaba kadagiti eroplano da dagiti dua a lider ken kinablaawan ti tunggal maysa iti mismo a tarmac ti Joint Base Elmendorf-Richardson idiay Anchorage, Alaska.
Mainaig iti daitoy, mangnamnama met ni Ukrainian President Volodymyr Zelensky nga agbalin a produktibo ti panagsarak dagiti dua a nabibileg a lider. Agtalek isuna a maiplantsan dagiti amin kasta met a maparegta ni Trump ni Putin a maisali ti Ukraine iti panagtaripnong.
Iti sabali met a bangir, saan latta ik-ikkaten ni Zelensky ti estratehiya a panangnayon manen kadagiti soldado idiay Donetskken Zaporizhzhia regions a maysa kadagiti posible a madakamat da Trump ken Putin.
Maipalagip a para ti kaunaan a gundaway idi nagatang ti Estados Unidos ti Alaska manipud iti Imperio ti Ruso idi pay tawen 1867 ket ita laeng nga adda iti presidente ti Russia a bummisita iti nasao nga estado.
