Kinumpirma ni US President Donald Trump nga awan ti nasugatan wenno pimmusay nga American wenno Qatari iti panagbomba ti Iran iti US base idiay Qatar idi Lunes, Hunyo 23.
Inbinglay ti White House a pinagyamanan ni Trump ti Emir of Qatar a ni Sheikh Tamim bin Hamad Al Thani ti naaramidan na a panangitandudo ti kinakapia idiay Middle East.
Ti waragawag met ni Trump ket kasaruno dagiti missile attacks ti Iran iti American air base idiay Qatar kas panangibales da iti panangpasabog ti Estados Unidos kadagiti tallo a napapateg a nuclear facilities ti Iran sadiay Fordo, Natanz, ken Isfahan.
Tinagiawan laeng ni Trump iti panangibales ti Iran ken kinuna a daitoy ket maysa a “weak response” a klase ti panagraut.
