Nagpangta ni U.S. President Donald Trump nga agresbak da apaman mangibales ti panagraut iti Iran kontra Estados Unidos.
”Any retaliation by Iran against the United States of Amerika will be met with Force far greater than what was witnessed tonight,” waragawag ni US Pres. Donald Trump
Kasaruno daitoy ti naballigi nga operasyon ti US Military idi binomba da dagiti tallo a nuclear sites ti Iran. Maibasar ti waragawag ni Trump, maibilang kas ‘spectacular military success’ ti nasao nga operasyon.
Impannakkel na pay a dagiti kangrunaan a pasilidad ti nuclear enrichment ti Iran iti pinabettak da ken ita ket napulbos wenno napakarwan da unay iti perdisyon na. Kinunana a ti Iran iti bully ti Middle East isu ket panawenen tapno maaddaan iti kinakapia.
Nagpangta met ni Trump a mangisayangkat da ti military action nu saan a makikoordinar ti Iran.
