Impakdaar ni National Tobacco Administration (NTA) Administrator Belinda Sanchez iti publiko nga ilegal ditoy Pilipinas ti black cigarettes wenno ti maaw-awagan kas tuklaw a sigarilyo.
Impaulog ti ahensiya ti pakdaar kasaruno ti nagviral nga online video nu sadino, tallo nga agtutubo ti nakapadas ti seizure-like symptoms wenno panagkissay kalpasan a naghithit iti maiparit a tobacco.
Pinaregta met ni Sanchez iti publiko a dagos nga ipulong kadagiti otoridad dagiti maipadamag nga agilak-lako ti Tuklaw cigarettes kadagiti lokalidad.
Maibasar iti panagadal ti NTA, nakastrek ti Tuklaw cigarettes dtoy pagilian babaen ti panangipuslit kadagiti sangladan idiay Zamboanga, General Santos, Davao, ken Palawan manipud idiay Indonesia ken Malaysia.
Sakbayna ket nagpakdaaren dagiti eksperto iti pangta ti salun-at dagiti agsigsigarilyo iti kastoy a produkto agsipud ta naglaon dagitoy kadagiti siyam a porsyento ti nicotine, 1% agingga 3% nu idasig kadagiti normal a sigarilyo.
