Napagtalinaed ti Bagyong Leon ti kapigsa na kabayatan ti kaadda iti kabaybayan ti Pilipinas.
Itay alas tres ti parbangon ita nga aldaw ti Miyerkules ket naudi a nasaripatpatan ti bagyo iti kaadayo a 380km Daya ti Aparri, Cagayan.
Kabuyog na ti kapigsa ti angin a dumanon ti 165km/hr ken kapegges a dumanon iti 205km/hr. Dupdupagen na ti pa-Laud Amianan-a-laud a direksyon ti kapartak a 15km/hr.
Partikular a makapadas ti kapegges ti bagyong Leon dagiti lugar ti Batanes, Cagayan agraman Babuyan Islands, Ilocos Norte, Apayao, Kalinga, Abra, ken Isabela.
Gapo metlaeng ti bagyo ket makapadas met ti napipigsa nga angin ken panagtudtudo dagiti lugar ti Aurora, Nueva Ecija, Quezon, Camarines Norte, Camarines Sur, Catanduanes, Cagayan Valley, Cordillera Administrative Region, ken Ilocos Region.
Nalulem a tangatang ken mawaras-waras a panagtudo met ti mapadasan ti nabatbati a paset ti Luzon ken Visayas gapo iti Trough wenno tar-taraipos ti bagyo bayat nga Localized Thunderstorms met iti mangigubuay ti kapada a paniempo idiay Mindanao.
Kabayatanna nakabayog met ti Tropical Wind Signal No. 3 iti Batanes ken makin-Daya a paset ti Babuyan Islands; bayat nga;
Nakaibayog met ti Tropical Wind Signal No. 2 dagiti sumaganad a lugar:
Nabatbati a paset ti Babuyan Islands,
Cagayan
Makin-Amianan ken Daya a paset ti Isabela
Apayao
Kalinga
Makin-Amianan a paset ti Abra
Makin-Daya a paset ti Mountain Province
Ilocos Norte
Tropical Wind Signal No. 1
Isabela
Quirino
Nueva Vizcaya
Mountain Province
Ifugao
Benguet
Abra
Ilocos Sur
La Union
Pangasinan
Nueva Ecija
Aurora
Makin-Amianan-a-Daya a paset ti Tarlac
Makin-Amianan a paset ti Bulacan
Makin-Amianan a paset ti Quezon
– agraman Polillo Islands,
Camarines Norte,
Makin-Amianan a paset ti Camarines Sur
Makin-Amianan ken Daya a paset ti Catanduanes
