Nalpasen ti kaunaan a panagtataripnong ti nagbaetan ti Russia ken Ukraine.
Manipud kadagiti representante dagiti dua a pagilian a naangay idiay Turkey, nadakamaten iti panagleppas ti nasurok tallo a tawen a gyera.
Sumagmamano kadagiti napagtulagan ket ti hirit ti Russia a leppasenen ti gyera apaman ited ti Ukraine dagiti daga a kontrolado da.
Kalpasan ti nasao a saritaan ket inawagan dagiti lider ti United Kingdom, France, Germany, ken Poland da Ukrainian President Volodymyr Zelensky ken US President Donald Trump. Kinontra dagiti pagilian ti kiddaw ti Russia ken inawagan da daitoy saan a kaaklon-aklon.
Mamati met dagiti opisyales ti Turkey a sumarunon ti personal a panagtaripnong da Russian President Vladimir Putin ken Ukrainian President Zelensky.
Immuna metten a kinuna ni Trump a saan pay a naan-anay a mapalpas ti ceasefire agingga makapatang na mismo ni Putin.
