BR LA UNION – Pagdan-danagan a mapukaw iti aganay 2,000 manipud iti 56,000 nga species ti ayop.
Segun kenni Department of Environment and Natural Resources (DENR) Secretary Maria Antonia Yulo-Loyzaga, kangrunaan a pangta iti pannakapukaw dagiti nasao nga species iti pannakadadael ti habitat wenno agserserbi a pagtaengan dagitoy, malaksid pay nga apektado da ti climate change, aktibidad dagiti tao ken kalamidad.
Iti agdama, nakatutok ti DENR iti panangaywan iti lima nga species kabilang iti Philippine eagle, marine turtles, sea cow wenno dugong, cockatoo ken tamaraw.
Innayon pay ti Department of Environment and Natural Resources a ti pangolin ket “most trafficked animal” iti conservation efforts ti ahensiya.
Kabayatanna, makitin-tinnulong ti ahensiya iti pribado a sektor tapno makatulong iti pannaka-konserba iti 6 a maibilang a most endangered species ditoy pagilian.
