BR LA UNION – Maysa a low pressure area (LPA) iti na-monitor ken banbantayan ti Philippine Atmospheric, Geophysical and Astronomical Services Administration (Pagasa) iti ruar ti Philippine area of responsibility (PAR).
Segun iti Pagasa, ti nasao nga LPA ket naudi a nasaripatpatan iti kaadayu a 1a 260 kilometers laud, amianan-a-laud ti Pag-asa Island idiay Kalayaan, Palawan.
Posible a mabukel daytoy kas bagyo wenno tropical depression iti sumaganad a 24 nga oras.
Maipalagip nga immunan a pinatta-patta ti local weather bureau a namnamaen ti maysa wenno awan ti bagyo para ita a bulan ti Pebrero.
Nu mabukel a bagyo ti LPA a banbantayan ti PAGASA, maawagan daytoy nga Aurora.
Kabayatanna, agtultuloy a mangipaay ti natudo a panawen iti shearline idiay Isabela, Aurora, ken Quezon.
Makapadas met ti nakuyem a panawen, mawaras-waras a panagtudo ken panaggarru-od iti Palawan gaputi trough ti low pressure area.
Kasta met laeng a panawen ti mapasaran idiay Mindanao agingga idiay Metro Manila gaputi agraraira nga Easterlies.
Kabayatanna, idiay Cordillera Administrative Region, nabatbati a paset ti Cagayan Valley, Ilocos Region ken dadduma pay a paset ti Central Luzon ket maaddaan ti nakuyem a panawen a mabuyogan ti panagtudo kas epekto ti Northeast Monsoon.
