Nakasangpeten idiay Ninoy Aquino International Airport (NAIA) Terminal 3 ti umuna a repatriation flight manipud Dubai kasaruno ti agtultuloy a gyera idiay Middle East.
Segun kenni Presidential Communications Secretary Dave Gomez, sakay ti Emirates flight EK336 dagiti nagaawid a Pilipino, kakadwa dagiti dadduma pay nga apektado a biahero.
Indauloan ni Department of Migrant Workers Secretary Hans Leo Cacdac ti panangsarungkar kadagiti 299 a repatriates, karaman dagiti ubbing ken maladaga.
Nakatayab ti eroplano manipud Dubai ti alas-9:55 iti rabii (oras ditoy Pilipinas) sakay dagiti Overseas Filipino Workers, turista, ken temporarily stranded a pasahero.
Segun iti gobierno, nakasaganan dagiti contingency measure tapno matulongan dagiti Pilipino iti ballasiw-taaw apaman kumaro ti sitwasyon, partikular ti koordinasyon dagiti ahensya kadagiti airline partners. | via Bombo Rafael Galano
