Nagpanawagan ti United Nations Special Rapporteur on Freedom of Opinion and Expression a ni Irene Khan iti gobierno ti Pilipinas ng agsublin iti panagsali ti International Criminal Court (ICC) ken ratipikaran ti International Convention for Protection of All Persons from Enforced Disappearance.
Daitoy a waragawag ni Khan ket naangay kalpasan ti maika-59th a session ti UN Human Rights Council ken impeksa na ti kinapateg dagiti katulagan tapno mapapigsa iti panangsalaknib kadagiti karbengan pangtao ken iti freedom of speech ditoy pagilian.
Binabalaw na pay iti agtultuloy a red-tagging, harassment, ken panangpapatay kadagiti journalists, aktibista, ken miembro ti civil society; Segun iti report ket nasurok a 450 a kaso ti red-tagging ti nailista idi umuna a paset ti tawen 2024 a kaadwan ket manipud kadagiti kameng ti gobierno.
Nagpanawagan ni Khan iti administrasyon ni Presidente Ferdinand Marcos Jr. a mangiruar ti executive order a direkta a kondenaren ti red-tagging ken dusaen dagiti agbasol iti kastoy.
Tarigagay na pay a mawayawayaanen dagiti nagbalin a biktima ti saan a nainkalintegan a pannakabalud ken ituloy dagiti imbestigasyon kadagiti kaso ti pammapatay ken panagpukaw dagiti tattao.
