Nangiyuswat ti United Nations iti donation drive para ti panggep a makaur-or ti agingga $275M wenno nasursurok pay a kantidad kas tulong kadagiti biktima ti magnitude 7.7 a ginggined idiay Myanmar.
Segun iti UN, ti maurnong a pondo ket mausar tapno matulongan dagiti residente a nakaro a naapektaran ti panagdayeg – adu kadakuada ti kinaptanen dagiti nagduduma a sakit, makapadpadas ti bisin, ken awan ti mapagnaedan a balay.
Patta-patta ti organisasyon, kasapulan ti agingga $1.1B a pondo kas maibasar ti inisyal nga humanitarian aid plan para kadagiti nasurok 5.5M nga indibidwal. Nupay kasta, agingga lima a porsyento na paylaeng iti nailatangan ti pondo.
Gapo iti kumarkaro a pagkasapulan dagiti bikitma, inuna ti UN a kasapulanen ti kanayunan a resources kas tulong.
Ipamaysa ti baro nga inisyatiba dagiti 1.1M ‘vulnerable people’ idiay Myanmar a kaadwan ket ubbing ken babbai a sumangsango iti gender-based violence, food insecurity, ken kinakurang ti maiyannatop nga access para iti reproductive health.
Iti agdama, dumanon ti agingga 6.3M a tattao iti nasao a pagilian ti agkasapulan ti kanayuna a tulong ken posible pay a ngumato ti bilang da kabayatan iti agtultuloy a sangsangwen ti rehiyon a nagduduma a karit.
Maipalagip a dimmayeg idi Marso-28 iti magnitude 7.7 a ginggined idiay Myanmar ken narikna pay ti magnitude 6.5 idiay Thailand a nakatayan metten ti agingga 3,600 a tattao bayat nga adu pay ti agtultuloy a mabirbiruk.
