Iyuswaten ti Department of the Interior and Local Government (DILG) ti unified 911 emergency call system inton bulan ti Hulyo.
Inwaragawag ni DILG Secretary Jonvic Remulla a nakatudin a mairuar ti SARO wenno special allotment release order para ti inisyatiba ita a lawas.
Umuna a mairugi ti proyekto ditoy Ilocos Region, kasta met idiay Central Visayas, Bangsamoro Autonomous Region in Muslim Mindanao (BARMM) ken National Capital Region.
Panggep pay a binulan a mapalawa ti rollout ti 911 emergency call system agingga madanon nan ti 18 a rehiyon ti Pilipinas.
Babaen ti unified 911 system, agbalin lattan a maymaysa ti emergency hotline a mabalin a tawagan sadino man a paset ti pagilian.
Karaman met ti Bureau of Fire Protection (BFP) ken Philippine National Police (PNP) a mangresponde kadagiti tawag ken maaddaan pay ti geolocator ken streaming tapno maamoan ti eksakto a lokasyon ti kummidaw ti tulong.
