LA UNION – Agtataripnong inton bigat dagiti suporters ken iti dadduma pay a sektor idiay ili ti Agoo, La Union tapno ipeksa iti dagus a panangipaay ti hustisya para iti pimmusay a ni sigud a Congressman Eufranio Eriguel ken kadagiti biktima ti napasamak a kinadamsak idi napalabas nga eleksyon.
Iti pannakiuman ti Bombo Radyo kenni Atty. Cherry Untalan, chief of staff ni La Union 2nd District Rep. Sandra Eriguel, kinunana a namnamaen nga adu a kakailyan iti dumar-ay manipud ti probinsya tapno maminsan manen nga ipamatmat ti panangkondinar iti nasao a krimen ken iparikna iti pannakipagladingit kadagiti naulila.
Kabayatanna, inton aldaw ti Sabado, May 26 a nakatuding a maipunpon ti nasao a sigud a mammanday-linteg.
