LA UNION – Rumwar iti Philippine Area of Responsibility (PAR) iti bagyo Dindo ita met laeng nga aldaw, Agosto 19.
Segun iti Philippine Atmospheric Geophysical and Astronomical Services Administration (PAGASA), iti Tropical Storm
Dindo ket naudi a nasaripatpatan iti kaadayu a 640 km amianan-a-daya ti Itbayat, Batanes.
Kabuyog na ti kapigsa ti angin a 65 km/h asideg iti sentro ken kapegges a dumanon ti 80 km/h.
Dup-dupagenna ti palaud a direksiyon iti kapartak a 20 km/h.
Maibasar iti weather bulletin ti PAGASA, awan iti direkta nga epekto ti bagyo Dindo iti kadagaan ti pagilian.
Nupay kasta, nabalakadan dagiti mangngalap nga agannad ken paliiwen ti kondisyon iti kabaybayan gaputi posible nga epekto ti bagyo Dindo ken Habagat partikular iti sakopen ti Extreme Northern Luzon.
Iti ruar ti PAR, agturong ti Tropical Storm iti Korean Peninsula wenno iti kabaybayan ti eastern China.
