LA UNION – Naidataganen ti agtutuon a kaso iti kapitan ti Barangay San Jose, Rosario, La Union gapu iti maipagarup a panagikotna iti iligal a droga ken bala.
Kaso a panaglabsing ti RA 10591 wenno illegal posession of ammunitions ken RA 9165 wenno Comprehensive Dangerous Drugs Act of 2002 kontra iti 62-anyos a suspek a ni Barangay Chairman Ruben Genetiano, residente ti Barangay San Jose, Rosario, La Union.
Maipalagip, nakompiskar manipud iti uneg ti balay na iti tallo a sachet ti maatap a marijuana, karaman ti maysa a magazine nga addaan iti dua a bala ti cal .45 iti insayangkat a search operation dagiti otoridad.
Immuna metten a kinumpirma ni PDEA Regional Office-1 Information Officer Bismark Bengwayan a saan a basta maibabawi kas drug free iti nasao nga ili gapu laeng ti nasao a pannakaaresto ti suspek.
