BR LA UNION – Kinumpirma ni Department of Interior and Local Government Secretary Jonvic Remulla iti press conference ita nga aldaw, Agosto 26, 2025 a naikkat iti puwesto ni General Nicolas Torre III kas Chief ti Philippine National Police (PNP).
Kinumpirma pay ti opisyal a ni Lt. Gen. Jose Melencio Nartatez Jr. iti baro a nadutukan a PNP Chief, kalpasan a ni-relieve ni President Ferdinand Marcos Jr. ni Torre manipud iti nasao a puwesto, a nangtuldok ti tallo-bulan a panagtakem na kas dadaulo ti organisasyon.
Iti appointment ni Nartatez ket napetsaan ti August 25, 2025 ken pirmado ni Executive Secretary Lucas Bersamin.
Sakbay ti baro nga appointment ni Nartatez, isuna ti PNP deputy chief for administration wenno second-highest rank iti PNP.
Iti sidong ti liderato ni Torre, impatungpal na ti adu a programa kas PNP chief, pakaibilangan ti 5-minute response babaen ti 911 hotline.
Nupay kasta, nababalaw daytoy ken nagbalin a kontrobersiyal ti inaramid na a reshuffle kadagiti 13 a senior police officials itay kallabes nga aldaw, a pakaibilangan ni Lt. Gen. Nartatez nga inaramid na a head iti Area Police Command for Western Mindanao idinto a Number 2 isuna a kangatuan ti posisyon iti PNP.
Gaputi dayta, dinillaw ti National Police Commission (NAPOLCOM) iti inaramid ni Torre a reshuffle ken panangdutok ti sumagmamano nga opisyal.
Nagkomento met ni Senator Panfilo Lacson iti pannaka-relieve iti puwesto ni Torre.
Segun iti mammanday linteg, ” Torre was removed after he went “beyond his authority” by unilaterally dismissing his second-in-command.
