BR LA UNION – Maisag-saganan ti kaso a maidatag kontra iti driver a nakadungpar ti maysa a kulong-kulong iti kawatiwatan ti kalsada idiay Barangay Calungbuyan, Balaoan, La Union a nakatayan ti maysa nga ama ken anak na a lalaki.
Iti pannakiuman ti Bombo Radyo La Union kenni Police Major Lawrence Ganuelas, Acting Unit Chief ti Provincial Community Affairs Development Unit iti La Union Police Provincial Office, kaso a Reckless Imprudence Resulting to Double Homicide iti posible a sangwen a kaso ti driver.
Segun kenni Ganuelas, accident prone iti nasao a lugar malaksid nga adda parte na a nasipnget, isunga balakad na kadagiti motorista ken driver nga agannad ken ag-precaution iti panag-maneho.
Maipalagip a natay ti ag-ama a nakalugan ti kulong-kulong kalpasan a nadungpar da iti pickup a minaneho ti 23-anyos a baro a taga San Diego, Pidigan, Abra.
Iti respondent driver ket agtaltalinaed iti kustodiya ti Balaoan Police Station.
