Nagpositibo iti drug test ti maysa nga entertainer nga immuna a natiliw gapu ti illigal buy bust operation idiay Pagdalagan Norte, San Fernando City, La Union itay kanikadua.
Nabigbig ti suspek a ni Angel Ann Nuesca, 18 anyos, maysa nga entertainer, ken residente ti Barangay Pagdalagan Sur, Bauang, La Union.
Maipalagip, nakumpiskar manipud iti suspek ti (3) a pidaso ti heat sealed transparent plastic sachet a mapapati a shabu nga agdasen ti 0.4 gram ken mapatta-patta a agbalor ti P2,700 pesos; ken (1) pidaso ti genuine P1,000 peso bill a naaramat kas buy-bust money.
Kabayatan na, agtultuloy a nakabalud ti suspek iti kustodiya ti San Fernando City Police Station idinto a sumangsango daytoy iti kaso a panaglabsing ti RA 9165 wenno Comprehensive Dangerous Drugs Act of 2002.
