LA UNION – Agtultuloy pay iti ar-aramiden nga imbestigasyon dagiti otoridad maipapan iti pannakapapatay ti baro nga nabotosan a barangay kagawad idiay Tubao, La Union.
Iti pannakiuman ti Bombo Radyo kenni PSI Vergelio Cruz, office in charge ti Tubao Police Station, sakbay iti pammaltog, nadlawan iti misis biktima a ni Kagawad Nielo Baltazar nga adda sumarsaruno kadakuada a puraw nga van idi intulod na daytoy iti Barangay Lleonen agturong iti ciudad ti Baguio.
VC1 – PSI Vergelio Cruz
Iti sabali a bangir, kinuna pay ni S/Insp. Cruz a ni Baltazar laengen ti nabatbati a miembro ti Amang drug group a maipagarop nga agop-operate iti nasao nga ili.
Base pay iti panag-imbestigar dagiti otoidad maipagarop a kabilang met iti gun for hire ti napapatay a ni biktima.
Maipasidong met iti authopsy ti bangkay ti bitkima tapno maamuan no manu ti nagbalin a tama iti bagi na.
Kabayatan na, iti insayangkat nga imbestigasyon ti Scene of the Crime Operatives iti nakapasamakan ti crimen 8 basyo ti M16 ken 15 basyoti cal. 45 iti narekobre dagitoy.
