LA UNION – Agpan-panawagan ita ti hustisiya iti pamilya ti maysa a security guard a napapatay kalpasan a paltugan ti riding-in-tandem bayat a gumatgatang ti sigarilyo iti tarsina nga asideg iti balay da idiay Barangay Ayaoan, Luna, La Union idi rabii ti Martes.
Kimmiddaw ti tulong iti ina ti biktima a ni Elizabeth Lopez, iti siasinuman a makaam-ammo kadagiti suspek nga i-report kadagiti otoridad, tapno maikkan ti hustisya iti pannakatay ti anak na a ni Dexter Lopez, 23-anyos.
Iti interview ti Bombo Radyo La Union kenni Mrs. Lopez, aminado daytoy a siguden a nairaman ti anak na iti iligal a droga ngem maipagarop a nagbal-baliwen daytoy.
Kinuna pay ni Mrs. Lopez nga awan ti ammo da a karikkiar ni Dexter, awan met ti ammo da a pangta ti biag na ken inawagan na pay iti anak na a nasingpet.
Maysa laeng iti atapen da a makagapo iti pannakatay ti biktima, gapu iti babai wenno adda pakainaigan na iti love triangle.
Innayon na pay nga adda atap da nu siasino iti nangaramid ti krimen, ngem agkasapolan da ti pammaneknek wenno ebidensiya.
