LA UNION – Makapad-padas ita ti narungsot a panawen wenno napigsa a tudo ken angin idiay probinsiya ti Batanes kalpasan a dimmanon iti peak intensity wenno kapigsaan a kapasidad ti bagyo bayat nga umas-asideg pay ti Super Typhoon Leon iti nasao a probinsiya.
Iti 5:00 AM bulletin#21 ti PAGASA, naudi a nasaripatpatan iti sentro ti super typhoon leon iti kaadayu a 100 km daya amianan-a-daya ti Itbayat, Batanes kabuy-buyog ti angin a 195 kilometro kada oras asideg iti sentro ken kapegges nga agingga 240 kilometro kada oras.
Dup-dupagenna iti amianan a palaud iti kapartak a 20 kilometro kada oras.
Iti Tropical Cyclone Wind Signal no. 5 ket naibayog idiay Northern and eastern portions ti Batanes (Itbayat, Basco)
Signal#4 – Nabatbati a paset ti Batanes
Signal#3 – Northern portion of Babuyan Islands (Babuyan Is., Calayan Is.)
Signal#2 – Nabatbati a paset ti Babuyan Islands,
Mainland Cagayan,
Northern portion of Isabela (San Pablo, Maconacon, Divilacan, Palanan),
Apayao, ken
Ilocos Norte
Signal#1 – Nabatbati a paset ti Isabela,
– Quirino,
Northern and central portions of Nueva Vizcaya (Bayombong, Dupax del Norte, Ambaguio, Bagabag, Villaverde, Kayapa, Santa Fe, Kasibu, Aritao, Bambang, Diadi, Dupax del Sur, Quezon, Solano),
– Abra,
– Kalinga,
– Mountain Province,
– Ifugao,
– Benguet,
– Ilocos Sur,
– La Union, ken iti
– Northern and central portions of Aurora (Casiguran, Dinalungan, Dipaculao, Dilasag)
Kabayatanna, iti forecast track ti bagyo, namnamaen nga ag-landfall iti daya a kabaybayan ti Taiwan inton malem, Oktubre 31.
Kalpasan a bumallasiw iti kadagaan ti Taiwan, agturong ti bagyo leon a pa-amianan-a-daya, iti Taiwan Strait, agingga iti East China Sea, kalpasanna, rumwaren iti Philippine Area of Responsibility inton rabii, Oktubre 31 wenno bigat ti Biyernes, Nobyembre uno.
