LA UNION – Saan pay nga ammo ti pakabigbiggan dagiti suspek nga karaman iti napasamak a pammaltog a nakasugatan ti lima nga tattao pakairamanan ti maysa a Sanguniang Bayan Member idiay Barangay Nagsabaran Norte iti ili ti Balaoan, La Union idi rabii.
Immunan a binigbig ti Balaoan Police ti nasugatan a ni Rogelio Obejas Concepcion 61, may asawa ken kandidato para Sanguniang Bayan. Kabilang pay dagiti nasugatan a da Christian Estrada, 30, addan asawa; Bernabe Ordinario Sr, 47, addan asawa; Teodorico Magleo, 43, addan asawa; ken Mark Francis Arciaga, 20, baro.
Iti agdama, addan iti nasayaat nga kondisyon dagiti biktima a madama nga maag-agasan idiay Balaoan District Hospital idiay Barangay Bungol ken Lorma Medical Center iti syudad ti San Fernando ditoy probinsya.
Ni Concepcion ket kasinsin ti pimmusay a ni sigud a Vice Mayor Al-Fred Concepcion nga ama met da Balaoan Mayor Aleli ken Vice Mayoralty candidate Carlo Concepcio a pinalpaltogan dagiti saan pay a nabigbig nga armado pakairamanan ti body guard na a ni Mark Jason Ulep idi Nobiembre 14, 2018.
Maipalagip, pinalpaltogan dagiti saan pay nga ammo a suspek a nakalugan iti puraw a Nissan Urvan (AO 8335) ti convoy ni Concepcion iti nadakamat a barangay idi rabii.
