Kinumpirma ti Department of Foreign Affairs (DFA) nga uppat a Pilipino ti nadundunor kasaruno ti missile strikes ti Iran idiay Israel idi ngdo ti lawas.
Segun kenni DFA Undersecretary Eduardo De Vega, dagiti nasugatan a Pilipino ket manipud Rehovot, maysa a ciudad a 20 kilometro ti abagatan a paset ti Tel Aviv.
Dagiti uppat ket kakadwa dagiti 12 pay a Pilipino nga adda ti maysa a parke idi timmama ti missiles ti ayan da. Maibasar kadagiti otoridad, kritikal ti kondisyon ti maysa a kailian tayo.
Nangipatulod metten ti Embahada ti Pilipinas idiay Tel Aviv ti bunggoy a mangkita ti kasasaad dagiti nasugatan nga OFWs.
Agtultuloy met ti pammalagip ti DFA ken Embahada nga agtalinaed nga alerto ken sumurot kadagiti abiso dagiti lokal nga otoridad ti Israel.
