Posible nga iti Senado nga agpaskua ken ti sumaruno pay a dua a tawen dagiti uppat nga indibidual a karaman ti maanomalya a flood control projects, segun kenni Senador Ping Lacson.
Karaman ditoy iti contractor a ni Curlee Discaya ken dagiti tallo a sigud nga engineer ti Department of Public Works and Highways (DPWH) nga isuda Henry Alcantara, Brice Hernandez, ken Jaypee Mendoza.
Palawag ni Lacson, posible nga agtalinaed dagiti uppat iti Senado aginggana iti sine die adjournment ti 20th Congress — wenno aginggana tallo a tawen mangrugi ita — malaksid laeng no maiyakar iti sabali a pasilidad no napilaan da ti kaso iti korte ken mairuar iti commitment order para ti panakaiyalis da.###
