Inwaragawag ni U.S. Secretary of State Marco Rubio a mangipatungpal ti Estados Unidos iti visa ban kontra kadagiti gangganaet nga opisyales a karaman iti censorship kadagiti Amerikano, nangruna iti internet.
Nupay awan met ti ninaganan na a pagilian wenno indibidwal, kinuna ni Rubio a panggep ti baro a polisiya a lapdan dagiti gangganaet nga opisyales iti panangidiktar ti content moderation kadagiti US-based tech platforms kas iti Meta.
Kinunana ket saan a kaaklon-aklon dagiti pangta ti sabali a pagilian a panangarestar kas maibasar metten kadagiti social media post a nagtaud iti uneg ti Estados Unidos.
Ti addang ket kasaruno paylaeng ti kumarkaro a tensyon ti baetan ti U.S. ken European Union, partikular ti panangipatungpal ti EU Digital Services Act — maysa a paglintegan a mangbababalaw kadagiti U.S. officials kas maysa a klase ti censorship.
Segun met kadagiti opisyales ti Estados Unidos, ti baro nga allagaden ket paset laeng ti nalawlawa a addang iti nawaya a puliblikasyon kasaruno ti regulasyon iti sabali a pagilian.
Iti agdama ket makipatpatang metten ti U.S. State Department iti gobierno ti France ken Ireland mainaig iti nasao nga issue.
