Mangipatulod ti U.S military kadagiti 700 marines sadiay Los Angeles, California tapno tumulong kadagiti naranggas a protesta kabayatan ti panaguray ti kanayunan pay a National Guard troops.
Ti addang ket ket sungbat ti administrayon ni US President Donald Trump ti agtultuloy a tignay-protesta seknan kadagiti immigration raids.
Maipalagip a maikauppat nga aldawen idi nangrugi dagiti naranggas a protesta gapo kadagiti immigration raids sadiay Southern California a rason tapno agtitipon dagiti rinibu a demonstrador ti sangwanan ti federal detention center a nakadetenehan dagiti immigrants.
Kinuna ni California Governor Gavin Newsom a mangipila isuna ti kaso maibusor kenni Trump a mangak-akusar ti panangideploy kadagiti national guard ken marines kas panaglabsing ti federal law ken state sovereignty.
Binabalaw na pay dagiti dadduma a kritiko ti inaramid ni Trump kas panangabuso ti bileg. Bayat nga agtultuloy dagiti protesta, kinunana nga awan ti sabali a pagpilian nan nu di ket ti panangideploy kadagiti tropa tapno maisardengen ti nasaknap a kinaranggas.
