Nangiyuswat manen ti militar iti Estados Unidos kadagiti kabaroan a panagraut iti umabagatan a paset ti Iran, nangruna kadagiti missile sites ken dagiti bangka a mapapati a mangikabkabil kadagiti minas idiay baybay.
Segun iti U.S. Central Command (CENTCOM), naisayangkat ti operasyon kas panagdepensa ken tapno maprotektaran dagiti soldado kontra iti pangta ti Iran.
Imbatad ni US Captain Tim Hawkins nga agtultuloy ti panangsalaknib ti Estados Unidos kadagiti tao da bayat a tarigagay a mapagtalinaed iti agraraira a ceasefire.
Natirwan ti strikes dagiti lugar idiay Bandar Abbas, maysa a port city ken napateg a naval base sadiay Strait of Hormuz.
Kinuna ni U.S. President Donald Trump nga umadanin ti maysa a katulagan ngem binilin na dagiti negosyador nga adalen a nalaing ken saan nga agdarasudos iti proseso.
