Nagpakdaar ti Estados Unidos iti Oman kontra ti aniaman nga addang a panangipaulog iti toll fee wenno babayadan iti panagdalyasat sadiay Strait of Hormuz, ket kinuna a dusaen da ti siasinoman a makipaset iti nasao a plano.
Segun kenni U.S. Treasury Secretary Scott Bessent, agresibo a sukimaten ti ahensya ti siasinoman nga indibidwal wenno grupo a direkta wenno saan a direkta a karaman iti panangipaulog ti toll fee.
Iti biang met ni U.S. President Donald Trump, awan iti maymaysa a pagilian ti addaan iti kontrol sadiay Strait of Hormuz – maysa kadagiti kapatgan a ruta ti krudo iti intero a lubong.
Pinakdaaran na pay iti Oman iti kangitingitan ti saritaan, laksid iti napaoten a koneksyon da iti militar ken ekonomiya iti Estados Unidos.
Awan pay ti opisyal a waragawag manipud Oman maipapan ti aniaman a plano a joint control idiay Strait of Hormuz, kadwa ti Iran.
Nupay kasta ket pinasingkedan met iti gobierno da a mapagpapatanganen ti Tehran ti pakaseknan maipanggep ti Freedom of Navigation.
