Agdama a nakadeploy idiay WPS ti nuclear-powered aircraft carrier ti US Navy a USS Carl Vinson (CVN 70).
Paset daytoy ti routine operations ti US Navy iti baet ti kumarkaro a tension iti rehion iti nagbaetan ti Pilipinas ken China kalpasan a nagtalinaed ti makunkuna a monster ship ti China iti uppat nga aldaw ken nagtalinaed iti kabaybayan a masakupan ti Zambales nga adda iti uneg ti 200 nautical miles exclusive economic zone ti Pilipinas.
Nupay kinuna iti PCG a pimmanawen ti Chinese monster ship a naudi a nasaripatpatan iti kaadayo a 90 nautical miles manipud iti kosta ti Zambales, adda met baro a barko ti China a nangsukat iti puwesto na.
Segun iti US Department of Defense, sipud pay idi Enero 3, ti Nimitz-class aircraft carrier da ket mangisaysayangkatn iti routine flight operations iti mapagsusupiatan a kabaybayan.
Naggapu ti US aircraft carrier manipud Port Klang, Malaysia idi napan a lawas kalpasan ti panagsangladna iti puerto idiay Kuala Lumpur.
Ti USS Carl Vinson ket addaan iti kaatiddog a 1,092 a kadapan ken makaawit iti agingga 90 nga eroplano ken nasurok a 5,000 a personnel agraman dagiti tripulante ken air wing.
