Dimmanonen ti baro nga record high ti utang ti gobyerno ti Pilipinas idi ngudo ti tawen 2024 gapo iti panagkapsot ti ekonomiya, segun iti datos ng inruar ti Bureau of the Treasury.
Dagiti nabatbati nga utang iti gobierno ket dimmanon ti agingga P16.5-T, ngimmato ti 9.8% wenno P1.44-T manipud iti P14.62-T idi ngudo ti tawen 2023.
Kinuna ti Treasury a ti bunulan a panagngato ti stockti utang ti gobierno ket mangipakpakita ti net issuance ken availment ti domestic ken external debt kasta met ti revaluation effect ti peso depreciation kontra ti US dollar.
Ti domestic debt ti Pilipinas ket dimmanon ti P10.93 trillion, ngimmato ti 9.1% manipud iti P912.49-Bidi napalabas a tawen idi nag-isyu ti gobyerno kadagiti debt securities tapno mapadakkel ti kaban daitoy.
Gapo iti daitoy ket dimmanonen ti debt-to-GDP ratio iti 60.7%, apagapaman a nangatngato ngem iti intuding nga target ti gobierno nga 60.6 babaen ti Medium-Term Fiscal Framework.
Kabayatanna, ti external debt ket agtaltalinaed nga 11.4% agingga P5.12-T manipud iti P522.55-B increase gapo iti debt availments ken panagkapsot ti piso kontra dolyar.
Kabayatanna, dagiti met guaranteed obligations ti gobierno ket apagapaman a bimmaba ti P346.66-B.
