Dimmanon iti ₱18.55 trillion iti pakabuklan nga utang ti gobierno idi ngudo ti Mayo 2026, segun ti Bureau of the Treasury (BTr).
Nangatngato daytoy ti ₱76.1 billion wenno 0.41% no idilig iti ₱18.47 trillion idi Abril.
Segun iti BTr, ti kangrunaan a rason ti panagngato ti utang ket iti ad-adda nga agresibo a domestic borrowing babaen ti pannakaipaulog dagiti securities ti gobierno a mangpondo kadagiti programa ti gobierno iti baet ti pabaliw-baliw a panaggaraw ti sangalubongan a merkado.
Nasurok-kumurang 70% ti utang ket domestic, idinto a ti nabati ket external borrowings.
Laksid daytoy, kinuna ni BTr nga agtalinaed a manageable ti lebel ti utang gapu iti manamnama a panagdur-as ti ekonomia.###
