Ngimmato manen ti kabaroan a record-high ti utang ti gobierno ti Pilipinas iti panagleppas ti bulan ti Abril 2025.
Maibasar ti datos manipud Bureau of Treasury (BTr), ngimmato ti P16.752-T ti utang idi Abril a 0.41% manipud ti P16.68-T nga utang idi Marso.
Segun iti Bureau of Treasury, ti utang ti Abril ket P11.59 trillion a 1.85% a nangatngato ngem idi napalabas a bulan gapo iti nangato a demand para kadagiti government securities.
Para met iti external debt wenno utang iti ruar ket bimmaba ti 2.68% wenno pakaibatugan ti P5.16-T iti panagleppas ti Abril. Kangrunaan met a makagapo iti daitoy ket ti P124.74-B a panagbaba ti gatad ti Peso iti utang ti ruar pakairamanan dagiti net payments a dumanon ti P58.28-B.
Kinuna ti Treasury a laksid ti panagngato ti utang ket agtultuloy latta a suroten ti gobyierno ti disiplinado nga estratehiya tapno masigurado a dagiti borrowings ket mangsupsuporta kadagiti investments.
Innayon pay ti Treasury a ti fiscal deficit ket agtultuloy a bumasbassit ken on track iti 3.8% inton dumteng ti tawen 2028.
Agtultuloy pay iti panagrang-ay ti ekonomiya ti Pilipinas nu idasig kadagiti obligasyon umiso latta ti diresyon ti panagbaba ti debt-to-GDP ratio iti below 60% iti panagleppas ti termino ni Presidente Ferdinand Marcos Junior.
