Posible a mapukaw ti nasurok ₱226 billion agingga P232 billion iti ekonomia ti Pilipinas no maipatungpal iti total deployment ban dagiti Overseas Filipino Workers (OFW) idiay Middle East, segun kenni Department of Economy, Planning, and Development (DEPDev) Secretary Arsenio Balisacan.
Kenuna ni Balisacan a mabalin a mapasamak iti pannakapukaw ti nasao a gatad no bilang ta mapaawid dagiti agarup 550,000 a Pilipino nga agdama nga agtartrabaho iti rehion. Daytoy a gatad ket katupag ti dandani 65% ti remittances wenno kuarta nga ipatpatulod dagiti OFW manipud Middle East ditoy pagilian.
Maibasar iti datos manipud ti Department of Foreign Affairs, mapattapatta a 2.41 million a Pilipino iti agtartrabaho iti nadumaduma a pagilian idiay Middle East. Kaaduan kadagitoy ket adda idiay United Arab Emirates nga addaan ti nasurok-kumurnag 975,000 nga OFW.
Sinaruno daytoy ti Saudi Arabia nga addaan ti 813,000, Qatar nga addaan ti 250,000, ken Kuwait nga addaan ti 211,000 a Filipino workers.
Kabayatanna, agarup 31,000 dagiti OFWs idiay Israel ken agarup 800 idiay Iran.
Impaganetget ni Balisacan a dakkel ti epektona iti remittances ken iti ekonomia ti pagilian iti aniaman a wagas a manglimitar iti pannakaideploy dagiti OFWs idiay Middle East.###
