Bimmaba iti manufacturing activity ti Pilipinas idi Abril 2026, segun iti report ti S&P Global, gapu iti nakapsot a demand ken ngumatngato a gastos nga ingubuay ti tension idiay Middle East.
Bimmagsak ti Purchasing Managers’ Index (PMI) iti 48.3 manipud 51.3 idi Marso—iti umuna a panagbaba sipud idi Nobyembre 2025. Indikasion ti panagkapsot ti sektor iti PMI a nababbaba ngem 50.
Segun kenni S&P Global Market Intelligence economist Maryam Baluch, kimmaro manen iti kondisyon ti operasion dagiti pabrika iti panagrugi ti maikadua a quarter ti tawen, kagiddan ti panagbaba ti baro nga orders gapu ti kumapkapsot nga export demand.
Nagbalin met a lapped iti tension idiay Middle East a rason ti panagsirra dagiti sumagmamano a trade routes, panakasinga ti shipments, ken panagdudua dagiti kliyente.
Gapu iti ngumatngato a gastos iti enerhiya ken shipping, napilitan nga agkissay ti hiring ken panaggatang dagiti kumpanya, bayatan a naipasa kadagiti consumers iti panagngato ti presio ti produkto.
Laksid daytoy, agtaltalinaed a positibo iti outlook ti sektor ken kumpiyansa a bumawi kadagiti sumarsaruno a bulan gapo iti manamnama a panagngato ti demand ken panaglawa ti customer base.###
