Marikna iti ekonomiya ti Pilipinas iti negatibo nga epekto ti agtultuloy a gubat idiay Middle East.
Segun kenni Prof. Emmanuel Leyco, iti panagngato ti presio ti lana iti sangalubongan a merkado ket gapu ti nairot a suplay manipud iti Strait of Hormuz, a maysa kadagiti kapatgan a ruta ti krudo iti lubong.
Innayon ni Leyco, posible a kumaro iti sitwasion no agtultuloy ti worst-case scenario a dinakamat ni U.S. President Donald Trump, a mabalin nga agpaut ti uppat a lawas wenno nabaybayag pay.
Awan met iti maaramidan ti pagilian iti presio ti langis gapu ta mangnamnama laeng daytoy iti maang-maangkat a krudo dagiti pribado a kompanya.
Dagiti addang ti gobierno ket ti panangkissay iti panagusar ti petroleo ken panangparegta iti pribado a sektor nga agtipid.
Impakdaar pay dagiti business groups a maapektaran iti exports ti Pilipinas gapu iti posible nga embargo ken blockage iti supply chain, nangruna ta adu dagiti raw materials ti pagilian ket aggapu idiay Middle East.
Segun ti Philippine Chamber of Commerce and Industry (PCCI), dakkel iti epekto ti gubat iti seguridad ti enerhia, presio dagiti magagatang, ken kasasaad dagiti Overseas Filipino Workers (OFWs) iti rehion.
Ti agtultuloy a panagngato ti presio ti lana ket mangpataud ti inflationary shock a marikna kadagiti babbalay ken industriya.
No agpaut iti gubat, saan laeng a ngumato iti presio ti petroleo no di pay ket iti gastos kadagiti kangrunaan a tagilako, bayat a ngumato iti peggad iti supply chain ti exports.###
