Pimmusay ti maysa a vegetable vendor ket kalpasan daytoy a napaltogan idiay Barangay Central East, Bauang, La Union.
Nabigbig ti pimmusay a biktima a ni Milagrita Patacsil Ronquillo, 52, balo ken residente ti Barangay Lower San Agustin.
Maibasar iti police report, ti biktima ket nakalugan iti tricycle a manmanehuen ni Joel Gomez, 49 anyos, addaan asawa nga agturong iti agpaabagatan a direksyon iti kawatiwatan ti barangay road idi pinalpaltogan isuda ti sumagmamano a daras nga nakapuntaan ti ulo ti biktima.
Kalpasan iti pammaltog, dagus a pimmanaw iti nangisit a Yamaha sniper nga awanan ti plate number a nagturong iti agpalaud a paset ti national highway a nagluganan dagiti saan pay nga ammo a suspek.
Narekobre ti nakapasamakan ti krimen ti (4) fired bullets.
Dagus met a naipaulog ti hot persuit kadagiti kabangibang a lugar para iti dagus a pannakatiliw dagiti suspek.
Kitkitaen a motibo dagiti otoridad iti nasao a pammaltog ket maipagarop nga imon.
Immuna metten a kinuna ni Pol. Maj. Crecensio Abila Jr, chief of police ti Bauang Police Station nga agtultuloy iti imbestigasyonda ti nasao a pammaltog.
Kiniddaw na met kadagiti umili a dagus nga ipakaammo kadakuada dagiti impormasyon nga ammo dagitoy mainaeg iti nadakamat a krimen.
